كيف تحافظ على شكلك قدام ختيبتك!! - منتديات عيال حارتنا

وجه القمر · كُتبت [ 28-04-2008 - 01:16 AM ]

كيف تحافظ على شكلك قدام ختيبتك

موضوع اعجبني جدااا جداا وحبيت انقله للخاطبين الجدد او للي ع وشك الخطوبه

· اياني واياك تحلق مره ويغدي وجهك املط تسن لاحسته بقره
ترى البنات يموتون في شي اسمه سكسوكه.

· في اليوم اللي بتقابلها فيه لا تروح تسهر مع الشباب ثم تغدي عيونك تسنها زره بالطو... ارقد من عقب العشاء وقبل الموعد اشرب لك قهوه تركيه تصحصحك علشان ما تفشلنا بفهاوتك.

· كثر من مشاهده الافلام المصريه القديمه وغش منهم كم من كلمه وشوي حركات وغمزات.. ويالله عساك بس تذوب البنت.. مع اني ما ظنيته.

· رح لحلاق صاحي يعدل في خشتك شوي واهم شي الصنفره والقناع وان تسان الدعوى كايده امرخ وجهك بفازلين.

· ضع عزيزي مسحه من كريم الاساس.. شوي بس علشان ما يبان انك حاط شي. وشخطه من الكحل جوا عنوناتك عنوني بعدين امسحها علشان تطلع عيونك كحيله خلقه. ولعطه روج على براطمك, تخبر البراطم سود من التدخين. بس انتبه وانا اختك اذا جيت تشرب شي عندها لا يطبع الروج في الكاس ثم ينكشف المستور.

· قصص اظافرك زين وابردها لا تمخش بنت الناس. ولا تنسى ان تلط يدك بقليل من كريم الاساس خاف البنت تقز الفرق بين الوجه واليدين.
· وعلى طاري اليدين: ان تسان يدينك فيها شعر كثير شلها علشان ما تحوم كبد البنت.

· يجب ان يكون الثوب مكويا جيدا وخاليا من العفوط ومرزام الشماغ مضبوطا وانتبه للعقال ان لا يكون مائلا.
· لا تلبس فنيله علاقي وانما البس فنيله ام نص كم عشان ما تلاحظ البنت سواد ........... من دون الثوب.

· لا تلبس زبيريه وانما البس جزمتن وشرابن. وقبل الخروج لمع جزمتك جيدا حتى تغدي تلق.

· لا تروح لها تطوح يديك يالقعيطي, خذ معك ورده. واذا كانت البنت قرويه خذ معك عذق تمر سكري والا نبوت سلطان لتكسب ودها وتقدير امها.

· وانت عند البنت خلك ثقيل لا تخق ولكن ذا ما يمنع من شوي من الرومانسيه كأن تقمعها مع راسها لتعبر عن اعجابك بخفه دمها.

· لا تقز بقوه في البنت بعدين تخاف منك والا تقول عنك مشفوح. ولا تنتقدها كثيرا كأن تقول : " انك دبيه يا بعد مصراني" والا " ماهذه الخلاقين ياطحالي من وين مجمعتهم" . واكتف بالتلميح للاشياء التي تعجبك كأن تقول " ياحبي للعصلات" " يازين الدراعت الحمراء".

· لا تطول القعده عندها ولا تكثر الزيارات علشان يتقطع قلب البنت وتشتاق لك. يعني اكتف بمره وحده في اليوم والليله.

· اثبت رجولتك بعد ان تطلع من عندها وذلك بأن ترجم دريشه غرفتها بالحصى واذا طلت شغل موترك وفحط وارسم ( قلب ) على الزفلت ثم رح.

· واذا وصلت بيتكم رح لغرفتك وصك الباب زين وسد الفتحه اللي من تحت بفوطه و خرق القفل بمنديل عشان محد يتسمع او يتلقف في روايتن اخرى واتصل عليها وقل كل اللي عندك , لا يردك الا لسانك وتقفيله الخط في وجهك اذا استحت البنت وتأزمت حالتها.

منقوووول لاحلى عرساان

والله يكتب لكم اللي فيه خير و بالرفاء والبنين

مجنونة الحلوين · كُتبت [ 28-04-2008 - 03:18 AM ]

ههههههههههههههههههه
هههههههههههههههههه

والله انها نصايح مهمه وخطيره

واهم شي ..

اقتباس:

اياني واياك تحلق مره ويغدي وجهك املط تسن لاحسته بقره
ترى البنات يموتون في شي اسمه سكسوكه.

مشكوره يا قمرنا

وبالرفاء والبنين

تقبلي مروري

دلع الخـــبر · كُتبت [ 28-04-2008 - 02:40 PM ]

ههههههههههههههههه

من جد طرح حلووو

اعجبتني

· لا تلبس زبيريه وانما البس جزمتن وشرابن. وقبل الخروج لمع جزمتك جيدا حتى تغدي تلق.

بالتوفيق وووعقبال الكل انشالله

وجه القمر · كُتبت [ 28-04-2008 - 08:37 PM ]

هههههههههههههههههه
نورتوني صبايا وقمراات
وين العرسان مااحد خااطب ياششباب
الله ..... انا عشان ماتفشلونا بالمستقبل مع الختيبه
ههههههههههههههه

دلوعة حارتنا · كُتبت [ 01-05-2008 - 01:23 AM ]

لا تلبس زبيريه وانما البس جزمتن وشرابن. وقبل الخروج لمع جزمتك جيدا حتى تغدي تلق

هههههههههههههههه مرسي يا عسل

وجه القمر · كُتبت [ 01-05-2008 - 06:28 AM ]

العفوووو دلوعتنا
انت للي مرورك عسسل
ماننحرم هالطله

غلا الغوالي · كُتبت [ 04-05-2008 - 02:45 PM ]

· اياني واياك تحلق مره ويغدي وجهك املط تسن لاحسته بقره
ترى البنات يموتون في شي اسمه سكسوكه.
اي بصرااحه اهم شي السكسوكه واهم شي الصفر الدولي ههههههههههه

· في اليوم اللي بتقابلها فيه لا تروح تسهر مع الشباب ثم تغدي عيونك تسنها زره بالطو... ارقد من عقب العشاء وقبل الموعد اشرب لك قهوه تركيه تصحصحك علشان ما تفشلنا بفهاوتك.
أهم شي تصحصح ولا مالها داعي جيتك خلك عند أمك << أنواع التحطيم
البنت بتستقبلك وهي لابسه ومتجهزه أحلى لبس في الدولاب تجي نصك نوم مو حلوووووه هههههههههههههههه

· كثر من مشاهده الافلام المصريه القديمه وغش منهم كم من كلمه وشوي حركات وغمزات.. ويالله عساك بس تذوب البنت.. مع اني ما ظنيته. << ولا انا ما طنتي ابد هههههههههههه

· رح لحلاق صاحي يعدل في خشتك شوي واهم شي الصنفره والقناع وان تسان الدعوى كايده امرخ وجهك بفازلين.
الله عليك يا وجه القمر فازلين بعدين يجي ملصق هههههههههههههههههههههه
لا لا دوف احسن يعطي نعومه ولا جلسيرين ما فيه شي
· ضع عزيزي مسحه من كريم الاساس.. شوي بس علشان ما يبان انك حاط شي. وشخطه من الكحل جوا عنوناتك عنوني بعدين امسحها علشان تطلع عيونك كحيله خلقه. ولعطه روج على براطمك, تخبر البراطم سود من التدخين. بس انتبه وانا اختك اذا جيت تشرب شي عندها لا يطبع الروج في الكاس ثم ينكشف المستور.
اما هنا يحط اساس وكحل وروج في نظري مو رجال
عادي وانا اختي بين سمار الشمس عشان تقول إنك رجال شقردي

· قصص اظافرك زين وابردها لا تمخش بنت الناس. ولا تنسى ان تلط يدك بقليل من كريم الاساس خاف البنت تقز الفرق بين الوجه واليدين.
اي بالله اهم شي أظفارك وأظفر الخنصر يا شينه وهو لحاله كذا يطولونه قرف
· وعلى طاري اليدين: ان تسان يدينك فيها شعر كثير شلها علشان ما تحوم كبد البنت.
خلي شعر يدك بالنسبه لي يعجبني أحس انه دلاله على الرجوله مدري ليش ههههههههههههههههههههههه

· يجب ان يكون الثوب مكويا جيدا وخاليا من العفوط ومرزام الشماغ مضبوطا وانتبه للعقال ان لا يكون مائلا.
اي ترى اهم شي الرزه دايم العين عليها ولا تنسى تحط دهن عود يا سلام
· لا تلبس فنيله علاقي وانما البس فنيله ام نص كم عشان ما تلاحظ البنت سواد ........... من دون الثوب.
اي والله شكل الفنيله العلاقي مره موشي لا تلبسها بالمره هههههههههههههههههههههههههههههه

· لا تلبس زبيريه وانما البس جزمتن وشرابن. وقبل الخروج لمع جزمتك جيدا حتى تغدي تلق.
تكملة الشياكه يا سلااااام

· لا تروح لها تطوح يديك يالقعيطي, خذ معك ورده. واذا كانت البنت قرويه خذ معك عذق تمر سكري والا نبوت سلطان لتكسب ودها وتقدير امها.
وممكن كمان علبة شوكلاته تعبير على انك جنتل مان << تعرف البنت

· وانت عند البنت خلك ثقيل لا تخق ولكن ذا ما يمنع من شوي من الرومانسيه كأن تقمعها مع راسها لتعبر عن اعجابك بخفه دمها.
يا سلااااااااااام على الكلااااام

· لا تقز بقوه في البنت بعدين تخاف منك والا تقول عنك مشفوح. ولا تنتقدها كثيرا كأن تقول : " انك دبيه يا بعد مصراني" والا " ماهذه الخلاقين ياطحالي من وين مجمعتهم" . واكتف بالتلميح للاشياء التي تعجبك كأن تقول " ياحبي للعصلات" " يازين الدراعت الحمراء".
اي والله ولا تطالعها كثير تشككها بعمرها وكثر المدح المبالغ مو زين لا تورط هههههههههههههههههههههههههههههههههههه

· لا تطول القعده عندها ولا تكثر الزيارات علشان يتقطع قلب البنت وتشتاق لك. يعني اكتف بمره وحده في اليوم والليله.
والله هي اللي كل يومين وهي عازمتك لا تخاف هههههههههههههههههه

· اثبت رجولتك بعد ان تطلع من عندها وذلك بأن ترجم دريشه غرفتها بالحصى واذا طلت شغل موترك وفحط وارسم ( قلب ) على الزفلت ثم رح.
ههههههههههههههههههه عسى الله ما عاد شافتك البنيه رحت في خبر كان في بيتنا عريس

· واذا وصلت بيتكم رح لغرفتك وصك الباب زين وسد الفتحه اللي من تحت بفوطه و خرق القفل بمنديل عشان محد يتسمع او يتلقف في روايتن اخرى واتصل عليها وقل كل اللي عندك , لا يردك الا لسانك وتقفيله الخط في وجهك اذا استحت البنت وتأزمت حالتها.
أهم شي في غرفتك ههههههههههههههههههههههه

وجه القمر موضوع جناااااااااااااان ومرررررررررره عجبني وحبيت اعلق على كل شي
وأسفه ان كان طولت بالحكي بس بصرااااحه الموضوع يستاهل
تقبلي مروري وغلاتي

صديقةالإحساس · كُتبت [ 06-05-2008 - 01:29 AM ]

هههههههههههههههههههههههه
يعطيكي العافية حلوووووووة
دمتي بود

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)