طريقة إستخدام هاك المتجر للأعضاء المنتدى - منتديات عيال حارتنا

.. هَـيّـبَـة مَـلِـكْـ .. · كُتبت [ 24-02-2008 - 03:01 PM ]

السلام عليكم ورحمة الله وبركاته

تم بحمدالله تركيب هاك المتجر لإعطاء جميع الاعضاء الحماس في المشاركه والتواجد التام في المنتدى

راح أشرح كل شي وكيفية إستخدامه واللي ما تعرفه ياليت تسأل عنه مره واثنين وثلاث الين ما تفهمه

اول شي وش معنى كلمة متجر

كلمة متجر يعني سوق وعو تقدر تسوي فيه اي شي تشتري تبيع تهدي ... الخ

وش فايدة هالمتجر بالمنتدى ؟

فايدة المتجر انه يعطي للعضو الحماس للمشاركه في المنتدى لتجميع الفلوس

كيف نجمع الفلوس بالمتجر ؟

تجميع الفلوس بالمتجر ما في اسهل منه وراح اعطيكم الاشياء اللي راح تجمع لكم الفلوس

1- عند كتابة موضوع جديد تحصل عللى مبلغ من المال [ 60 ] ريال
2- عند الرد على اي موضوع تحصل على مبلغ من المال [ 5 ] ريال
3- عند مشاهدة موضوع تحصل على مبلغ من المال [ 1 ] ريال
4- عند تعديل الملف الشخصي بتحصل على مبلغ من المال [ 1 ] ريال
5- عند دعوة صديق بتحصل على مبلغ من المال [ 50 ] ريال
6- عند مشاركة العضو المعدو من طريقك تحصل على مبلغ من المال [ 1 ] ريال
7- عند مشاهد ملف شخصي لعضو آخر تحصل على مبلغ من المال [ 1 ] ريال
8- عند ادراج صوره رمزيه تحصل على مبلغ من المال [ 100 ] ريال وعند حذفهغ يخصم منك [ 100 ] ريال
9- عند تقيم موضوع او عضو تحصل على مبلغ من المال [ 1 ] ريال
10- عند مرور عيد الميلاد للعضو يحصل على مبلغ من المال [ 100 ] ريال
11- كل حرف بالموضوع او بالرد تحصل على كل حرف مبلغ من المال [ 0.01 ] ريال
12- عند إنشاء تصويت تحصل على مبلغ من المال [ 5 ] ريال
13- عند مشاركتك في التصويت تحصل على مبلغ من المال [ 1 ] ريال
14- عند تنسيق موضوعك تحصل على مبلغ من المال [ 1 ] ريال

يعني الحين اللي فهمناه إن اي شي بيصير في المنتدى ناخذ عليه مبلغ من المال

ملاحظه : صندوق المحادثات ليس له أي مبلغ من المال

طيب الحين تقولون وش فايدة هالفلوس اللي جمعناها ؟

الفلوس اللي جمعتها تقدر تسوي بيها اشياء كثير وهنا فايدة المتجر او السوق

1- ممكن تتبرع بيها للمنتدى والإداره
2- ممكن تتبرع لأي عضو محتاج فلوس
3- ممكن ترسل هديه لأي عضو تحبه [ ورده - قلب - اي شي تشوفه موجود بالسوق ]
4- ممكن ترسل هديه لعضو تكرهه [ صاروخ - مسدس - ثعبان - اي شي تشوفه بعد موجود بالسوق ]
5- ممكن ترسل هديه مع رساله لاي عضو تبيه
6- تقدر تحمي نفسك من السرقه
7- أشياء كثيره تقدر تسويها بالمبالغ اللي تجمعها

بس انتبه الهديه راح تظهر في معلومات العضو يعني راح تكون مفضوح مفضوح لو ارسلتها ^.^

تقدر تشترك في بطاقات الحظ [ يومي - اسبوعي ] ويتم السحب عليها وتكسب مبلغ كبير من المال

طريقة الاستخدام

راح تحصل بأعلى المنتدى اسم متجر

ويوم تضغط على السهم راح يفتح لك هالقائمه

طبعاً كل شي واضح أسمه زين

وراح اشرح كل شي لوحده إن شاء الله على حدا

طبعاً عرفنا الحين من وين يتم التعامل مع المتجر [ السوق ]

الحين راح نعرف كيف نقدر نستخدم هالاشياء

اول شي يقابلنا هو المتجر الرئيسيه

ومنها راح نشوف جميع الخيارات

يوضح فيها سجل العضو وش سوا وش ارسل وش اهدا يعني كل شي

ويوضح بعد قائمة الخيارات اللي تبي تستخدمها وهي

خيارات الاسم المستعار [ مجموع السلع: 8 ]

خيارات النقاط [ مجموع السلع: 5 ]

خيارات المواضيع [ مجموع السلع: 13 ]

خيارات عنوان المستخدم [ مجموع السلع: 9 ]

خيارات الحمايه [ مجموع السلع: 6 ]

خيارات الاقسام [ مجموع السلع: 4 ]

خيارات التصاريح العامه [ مجموع السلع: 23 ]

خيارات الصور الرمزيه [ مجموع السلع: 7 ]

خيارات اخرى [ مجموع السلع: 16 ]

خيارات السمعه [ مجموع السلع: 4 ]

وكل قسم يضم اشياء عده

مثلاً ناخذ قسم [خيارات الاسم المستعار]

يضم هالقسم 8 سلع تقدر تشتريها منها

مثل ما تلاحظون مكتوب

الإسم | التكلفه | كمية السلعه | السلع المباعه | السجل

راح ناخذ وحده وحده نشرحها

الإســـــــــــم | وهو إسم السلعه ويكون مكتوب على الصوره اسمها في النادر.

الــتــــكــلــفـه| وهو سعر السلعه اللي تبي تشتريها.

كـمـية السلعه| الكميه الموجوده في المتجر وهذا الشي يزدات كل فتره.

السلع المباعه| عدد كمية السلع المباعه من هذا النوع.

الــــســـــجـل| يعرض السجل الخاص بالسلعه مين اشترى منها ومين باعها وكذا يعني.

نروح الحين لخيار بطاقة الحظ

راح يفتح لنا صفحه وبأخرها يوجد

في عندك نوعين من بطاقة الحظ

1- بطاقة حظ يوميه

2- بطاقة حظ اسبوعيه

ولكل بطاقه سعر محدد بجاور الاسم

عند اختيار اي بطاقه تنتقل للصفحه الثانيه بهذا الشكل

وأضغط إجراء العمليه طبعاً عند الفوز بالسحب تحصل على مبلغ من المائل

نجي الحين لخيار إهداء هديه

طبعاً هذا الخيار هو انك تقدر ترسل لاي شخص بالمنتدى هديه

وتوجد هدايه كثيره في المتجر بإمكانك استخدامها

طبعاً عند ارسالك هديه لأي شخص راح تظهر في معلوماته الشخصيه ان العضو كذا ارسل له هديه

بنص الرساله طبعاً [ يعني مفضوح مفضوح لو ارسلت كلام غزل ] ^.^

ملاحظه يجب كتابة اسم العضو كما هو بالمنتدى مثلاً

انا نكي بالمنتدى آغلـآهـُAlaaـمْ ما اروح واكتب اسم العضو اغلاهم راح يطلع لك خطأ

بعد كذا اضغط اجراء العمليه

خيار الاشرطه

الاشرطه عباره عن شريط يظهر بمعلوماتك الشخصيه لتعبر عن شي معين

ولكل شريط مهمه وراح اترجم اللغه في الاشرطه لتسهل عملية الاختيار للعضو

وهذه الصوره توضح المعنى

طبعاً تختار الشريط اللي تبيه وتحت اكتب رسالتك اللي تبيها تظهر للناس

واضغط اجراء العمليه

ملاحظه سعر كل سلحه موضحه عند الدخول اليها

مثلاً

فوق كل اختيار تلاحظ هذه الجمله

حسابك الجاري : وهو الحساب اللي تقدر تشتري بيه مثل الحساب اللي يكون معك على طول

رصيدك في المصرف : وهو الرصيد الذي تمتلكه بالمصرف و لا تقدر التصرف به الا بعد صرفه من المصرف

التكلفه : وهي تكلفة سعر السلعه وتختلف من سلعه لأخرى

نسبة الضريبه على السلعه : وهي النسبه التي تخصم عند شرائك للسلعه ويكون لمصلحة المتجر

مجموع تكلفة السلعه : وهو المجموع الكلي الذي ستشتري به السلعه + الضريبه

الرجاء عند النقل ذكر المصدر

منتديات الريم

يــتـبـع

.. هَـيّـبَـة مَـلِـكْـ .. · كُتبت [ 24-02-2008 - 03:02 PM ]

خيار المصرف

خيار المصرف يتيح لك نقطتين

النقطه الأولى وهي إنك تودع فلوس في البنك وما تقدر تتحكم فيها غير بعد سحبها

وطريقة الإيداع كالتالي

ثم تضغط على إيداع

ملاحظه : يجب المبلغ المودوع يكون أقل او مساوي للحساب الجاري

النقطه الثانيه وهي سحب مبلغ من البنك وبعدها تقدر تتحكم فيه

وطريقة السحب كالتالي

ثم اضغط على سحب

ملاحظه : يجب ان يكون المبلغ المسحوب أقل او مساوي لرصيدك في المصرف

خيار التبرع

هذا الخيار يتيح لك بالتبرع لأي شخص تبيه

طريقة التبرع سهله جداً ولا يحتاج لها شرح بس راح اشرحها لكم

بعد كذا أضغط على إجراء العمليه

خيار السرقات

هذا الخيار تقدر منه إنك تسرق مبلغ من عضو أخر مهما يكون

بس فيه كذا شرط

1- ان يكون العضو الآخر غير مشترك في الحمايه من السرقه
2- ان يكون المبلغ المراد سرقته أقل من او يساوي المجموع الكلي لحساب العضو الآخر

طريقة إستخدماها

ثم اضغط إجراء العمليه

خيار الأكثر ثراء

طبعاً مفهوم من الاسم ... وهو يعرض لك أكثر الأعضاء ثراء بالترتيب مثل

طبعاً في خيارات جانبيه ما قدرت اصورها لحجم الصوره ولكن كلها مشروحه وهي

الترتيب | اسم العضو | ريال سعودي | المصرف | المجموع ريال سعودي

خيار السجل

من اسمه أكيد عرفتو وش وظيفته ^.^

يعرض لك كل العمليات اللي سويتها شراء سلع او ايداع في البنك او سحب او اهداء هديه ... الخ

خيار الأكثر مبيعاً

يعرض لك أكثر السلع مبيعاً في السوق

مثال

أخر خيار وهو تبرع للإداره

وهو نفس خيار التبرع اللي تم شرحه بالأعلى

ولكن يقتصر للإداره فقط هم اللي يقدرون يستخدمونها

وبكذا أكون انتهيت من شرح هاك المتجر والحمدالله إن اصبت فمن الله وإن اخطأت فمني ومن الشيطان الرجيم

اي استفسار في شي ماهو مفهوم أسال مره واثنين وثلاث الين ما تفهمه ان شاء الله

دمتم بود

دلوعة حارتنا · كُتبت [ 24-02-2008 - 04:09 PM ]

وعليكم السلام ورحمة الله وبركاته
يعطيك العافيه
وبانتظارجديدك

.. هَـيّـبَـة مَـلِـكْـ .. · كُتبت [ 24-02-2008 - 07:24 PM ]

يسلموو

اشكر على طله جميله

سي يو

غلا الغوالي · كُتبت [ 24-02-2008 - 08:23 PM ]

وعليكم السلام ورحمة الله وبركاته

بصراحه فكره جديده ورائعه جداً وغريبه كمان

هي في البدايه بتكون صعبه لكن بعد كذا مع التعامل نتقن ونلعبها صح

الف شكر هيبة ملك

والله يقدرنا على جعل المنتدى من اروع المنتديات ويدنا في يد الإداره

تقبل مروري وغلاتي

.. هَـيّـبَـة مَـلِـكْـ .. · كُتبت [ 25-02-2008 - 01:58 AM ]

صح انها فكر جديده بس مع زمان تتعودون عليها

يالله رح ازيد كل الاعضاء مكرمه ملكية من .. هَـيّـبَـة مَـلِـكْـ ..

.. هَـيّـبَـة مَـلِـكْـ .. · كُتبت [ 25-02-2008 - 02:14 AM ]

تم تحويل لكل عضو : 50000 ريـال سعودي الى حسابة في البنك

مجنونة الحلوين · كُتبت [ 27-02-2008 - 11:43 PM ]

واااااااااااااااااااااااااااااااااو

فكره جهنميه ..

يعطيك العافيه هيبة ملك

على كذا طوال الوقت وانا في المنتدى <<ههههههههههههه

مشكور

تقبل مروري

مونيه · كُتبت [ 27-02-2008 - 11:54 PM ]

اللهـ صار عندنا بقاآآلهـ

تسلمـ هيبهـ

يالله مين بيسلفني ,,